Bókagagrýni - Rökkurhæðir Óttulundur

 

 Rökkurhæðir - Óttulundur

Bókin Rökkurhæðir Óttulundur er önnur bók eftir Mörtu Hlín Magnadóttur og er 106 bls. Bókin er rosalega spennandi og fjallar um Vigdísi sem er 15 ára. Hún er föðurlaus og einkabarn móður sinnar sem er mikið í burtu og er dvelur því mikið hjá ömmu sinni í Óttulundi. En nú finnst henni hún ekki velkomin þar og er ásótt af undalegum draumum og illum augum. Í fyrsta skipti á ævinni er hún virkilega hrædd.

 

Okkur fannst bókin skemmtileg og spennandi en það sem okkur fannst skemmtilegast var þegar Vígdís og Jóhanna fóru upp á háalofti að gramsa í dóti því það voru svo spennandi. Það eina sem okkur fannst skrítið var að stundum kom mismunandi letur á stöfunum. 

Við gefum bókinni 5 stjörnur af 5

 

 

Elín Sigríður og Guðrún Silja

 

Bókagagnrýni - Rökkurhæðir Rústirnar

Rökkurhæðir - Rústirnar

Bókin sem við völdum okkur heitir Rökkurhæðir Rústirnar. Höfundur bókarinnar er Birgitta Elín Hassel og bókin er 121 bls. Þessi bók er rosalega spennandi en hún fjallar um 14 ára stelpu sem heitir Anna Þóra. Einn daginn var hún að flýta sér heim af handboltaæfingu og hitti stelpu. Þær fara að tala saman og  gerðu með sér samkomulag um að stelpan gerði Önnu Þóru greiða og lærði fyrir hana. En á móti myndi Anna Þóra gera stelpunni greiða en greiðinn var sá að alla sunnudaga ætti Anna Þóra að giska á nafn stelpunnar. Ef hún næði að giska á nafnið fyrir lokaprófið þá myndi stelpan hverfa úr lífi hennar en ef hún næði því ekki myndi Anna Þóra hverfa og stelpan koma í stað hennar í lífinu. Okkur fannst bókin skemmtileg, sorgleg og spennandi eða s-in 3. Það sem var mest spennandi var hvort Anna Þóra fengi að halda lífi sínu eða ekki. Það sem var sorglegt var að hundurinn Píla var drepinn og Margrét vinkona Önnu Þóru hvarf og allt var þetta stelpunni að kenna. En það skemmtilega var hvað maður gat lifað sig inn í bókina eins og maður væri á staðnum þegar allt gerðist.við gefum bókinni 5 stjörnur af 5                               

Elín Sigríður og Guðrún silja